Қазақстан тарихының әлі толық ашылмаған тұстары аз емес. Әсіресе, көршілес елдермен арадағы саяси, сауда және дипломатиялық байланыстарға қатысты деректер шетел архивтерінде сақталғаны белгілі. Осы бағыттағы ізденістердің бірі - Ш. Уәлиханов атындағы Тарих және этнология институты бас ғылыми қызметкері т.ғ.д., профессор О.Х. Мұхатова мен PhD докторант Е. Сауырқанның Өзбекстанға жасаған ғылыми іс-сапары.