Еліміз тәуелсіздік алған соң халқымыздың өткенi мен кеткенi, тапқаны мен жоғалтқаны, тiлi мен дiлi, болашағы мен болмысы туралы айтылып та, жазылып та жатыр. Олардың көбiнде ғылыми-саяси сараптамадан бұрын эмоциялық бяандау басым. Тіпті қарапайым оқырманды былай қойып, кәсіби әлеуметтанушы мамандардың өзі халық, ұлт, нация атты үш түрлi түсiнiктi бiр-бiрiмен әлі күні шатыстырып жүр. Сол себепті, осы ұғымдардың ара-жігін қазіргі қазақи түсінікке жақындатып ажыратып түсіндіруді жөн көрдік.