Ырысқұлұлы Тұрардың өлке тарихы туралы жазған «Қазақстан» атты еңбегі бар. 1927 жылы Қазақстан астанасы Қызылордадағы «Қазақстан мемлекет баспасы» жағынан 3000 тиражбен басылып таралған еңбекте Қазақстан өткені мен бүгіні, жалпы шаруашылық жағдайы сипатталады. Қазақстанның халық саны мен өткен тарихынан бастап, патша үкіметінің отар саясатын өткір сынға алады. Қазан төңкерісінің алды-артындағы саяси жағдайлар мен қазақ халқының тұрмыс-тіршілігі баяндалады.