Ұлт тарихы мен руханиятының жанашыры, өлкетанушы, публицист, «Абылай ханның қара жолы» халықаралық экспедициясының жоба авторы, қоғам қайраткері Мұратқажы Ыдырысұлымен әңгімелесудің сәті түсті. Шың империясы мен Қазақ хандығының арасында сауда қатынасы орнағанда Арқадан сол шығыс бағытқа қарай керуен жолы ашылады. Қазақ даласын көлденең кесе керуен бұйда созған бұл жолды «Абылайдың қара жолы» деп атаған. Осынау тарихи жолдың маңызын ұрпақ санасына жаңғыртып жүрген ағамыздың «Абылай ханның қара жолы» атты экспедициясы осымен бесінші мәрте жалғасты. Былтыр Моңғолия мен Ресейді айналып, «Абылай ханнан абыз Тоныкөкке дейін» деген атаумен халықаралық дәрежеге жетті. Қазақстанның барлық облысын аралап, ұлт тарихына қатысты құнды деректер мен тарихи орындардың тізімін жинақтады. Әрбір экспедицияның жинақ кітаптарын оқырман назарына ұсынды. Бүгінгі сұхбат барысында ағамыздың өмірдерегінен ақпарат алып, «Абылайдың қара жолы» жобасының алғашқы экпедициясы туралы білетін боламыз. Көлемді сұхбаттың жалғасы келесі сандарымызда беріледі.