Ән – өнер атаулының ішіндегі ең танымал музыкалық шығарма. Оның тарихы, қолданысы, қазіргі дамуы түрлі кезеңдерді, тіпті тұтас дәуірлерді қамтиды. Сондай-ақ жаһандық ән өнерінде қазақ ән өнерінің де үлесі ересен. Өйткені елдің мәдениеті, танымы, дәстүрі осы бір өнер түрімен тығыз байланысты. Сонымен біздің бүгінгі сұхбатымызда осы және өзге тақырыптарды қозғайтын спикеріміз – дәстүрлі әнші, домбырашы, ҚР Еңбек сіңірген қайраткері Айгүл Қосанова.