Кеңес кезінде қазақ ұлтынан туып шыққан мемлекет және қоғам қайраткерлерінің бірі – Кәкімбек Салықов. Бұл кісі 1932 жылы Солтүстік Қазақстан облысы, Шал ақын ауданы, Еңбек ауылында туған. 1947 жылы Көкшетау қаласындағы №21 мектепте орташа білім алып, 1950 жылы Сырымбет қазақ орта мектебін бітіреді. 1955 жылы Мәскеудің түсті металлургия және алтын институтын бітіргеннен кейін Жезқазған кенішінде кен мастері, участке бастығы, Қ.Сәтбаев атындағы кен-металлургия комбинатында партком хатшысы, Қазақстан КП қалалық комитетінің бірінші хатшысы, Жезқазған комитетінің екінші хатшысы қызметін атқарады. 1975 жылдан КОКП Орталық Комитетінің аппаратында инспектор болып қызмет істейді. 1984 жылы Өзбекстан КПОК-нің бюро мүшесі, Қарақалпақ облыстық партия комитетінің бірінші хатшысы, одан кейін Кеңестер Одағы Жоғарғы кеңесінің экология комитетінің төрағасы, Жоғарғы кеңестің Президиум мүшесі қызметтерін атқарған екен.