Бурхан Адиханов – «Болашақ» түлегі, шетелдегі білім жолы Кембридж бен Эдинбургтен басталып, АҚШ-тағы PhD-ге дейін барған ғалым. Бүгінде ол Қазақстанда ADIKHANOV EDUCATION жобасын дамытып, қарапайым дәрігерлер мен мұғалімдерге, жас мамандар мен ауыл талапкерлеріне шетелдің үздік университеттеріне түсуге көмектеседі. Бурхан озық елдерде білім алғысы келетіндерге таныс-тамырсыз, «аға-көкесіз» мақсатқа жетудің жолын көрсетеді. Ulysmedia.kz бас редакторы Самал Ибраеваға берген сұхбатында ол қазақстандықтардың шетелде оқуына не кедергі екенін, өз жобасының қалай жұмыс істейтінін және елге мықты маман болып оралудың маңызы жайлы айтты.