Күнделікті өмірімізде қолданып жүрген заттарымыздың көпшілігі шығармашыл, ойлау қабілеті ерекше өнертапқыш жандардың еңбегі. Сондықтан болар «өнертапқыш» деген сөзді естігенде кез келген адам елең ете қалары анық. Әрине, ондай сәтте бірден «қандай қажетті құрылғы жасап шығарды екен» деген сұрақ туындайтыны сөзсіз. Өнертапқыштар қолданыстағы құрылғыларды жетілдіріп немесе оларды жаңа қырынан қайта жасақтап, дамытып бұрынғы қалпынан да пайдалы қыла түседі.