Германияның Мюнхен қаласында өтіп жатқан күн энергетикасы саласындағы әлемдегі ең ірі халықаралық көрме — Intersolar Europe 2026 аясында С. Өтебаев атындағы Атырау мұнай және газ университеті мен Қытайдың жаңартылатын энергия көздері саласындағы жетекші технологиялық алпауыты Shanghai Aiko Solar Energy Company Limited (AIKO) меморандумға ресми түрде қол қойды. Бұл стратегиялық келісім аймақтағы «жасыл» энергетиканы дамытуға, озық технологиялар трансферін іске асыруға және күн энергетикасы саласында бірлескен ғылыми-зерттеу жобаларын жүзеге асыра отырып, жоғары білікті мамандар даярлауға бағытталған, деп хабарлайды Bugin.kz.