Қырғызстанда қазақстандық спортшының видеосы көпшілікті тәнті етті, – деп хабарлайды Sputnik Кыргызстан. Моңғолияда өтіп жатқан Азия чемпионатында Тыныбекова аяғын жарақаттап, марапаттау рәсіміне шыға алмады. Ал қазақтың қызы оны қонақ үйдегі нөміріне дейін көтеріп апарды. Әлеуметтік желі қолданушылары жылы лебіздерін аямады. Барлығы ризашылығын жеткізді. Айта кетері, Гүлмарал Еркебаева Азия чемпионатының күміс жүлдесін жеңіп алған.