Қазақстандық волейболшы Сабина Алтынбекова спортқа оралатынын хабарлады. Спортшы Біріккен Араб Әмірлігінің «Аль-Васл» клубында ойнауды жалғастырады. Спортқа оралғаны жайлы Сабина өзінің Instagram парақшасында бөлісті. «Сапқа қосылдым, қайтадан жеңуге дайынмын. Ауыр дайындық жылы бекер болған жоқ. Al wasl team құрамына кіргеніме қуаныштымын», деп жазды ол. Волейболшы өзінің жанкүйерлеріне спорттық мансабына қолдау көрсеткені және қызығушылық танытқаны үшін алғыс айтты.