Тоң кеш жібитін Көкшетауда да төтенше жағдай жарияланды. Себебі арнасынан асқан Қылшақты өзені тағы көтеріліп ахуал күрделене түсті. Қызыл су бірнеше көшеге жайылған. Қазір құтқарушылар көпқабатты үйлердің арасында қайықпен жүр. Тіпті жедел жәрдем қызметкерлерін де су көлігімен жеткізуге тура келген. Арнайы қызмет күні-түні өзен жағасын бекітіп, су шығарумен айналысып жатыр.