«Қазатомөнеркәсіп» ҰАК» АҚ табиғи апаттан зардап шеккен өңірлерге көмек ретінде 3 млрд теңге көлемінде қаржы бөлді. Қаражат зардап шеккен аудандарға жедел қолдау көрсету үшін Samruk-Kazyna Trust қорына аударылады. Су тасқынына қарсы күреске «Қазатомөнеркәсіп» ҰАК» АҚ табиғи апаттың салдарын жоюға көмек көрсету үшін 120-ға жуық арнайы техника жібереді. Бұл шешім зардап шеккен аудандарға көмектесу үшін компания бастаған кең қолдау бағдарламасының бөлігі саналады. Арнайы техника инфрақұрылымды қалпына келтіру, аумақтарды судан тазарту және өмірлік маңызды нысандарды қалпына келтіруге жұмсалады.