Қазақстанда соңғы жылдары ұлттық тарихты қайта зерделеу, оны ғылыми негізде жүйелеу бағытында іргелі жұмыстар қолға алынып келеді. Соның ең маңызды нәтижелерінің бірі – «Қазақстан тарихы: ежелгі дәуірден бүгінге дейін» атты көптомдық академиялық басылым. Осы ауқымды жобаның аясында жуырда ерекше тарихи әрі ғылыми мәні бар шешім қабылданды. Редакция алқасы «Қазақ хандығы» деп аталатын 4-томның қолжазбасын бірауыздан бекітті. Бұл туралы Мемлекеттік кеңесші Ерлан Қарин Facebook-тегі парақшасында жариялады.