XXI ғасырда туризм тек демалыс немесе ойын-сауықпен ғана шектелмейді. Қазіргі таңда саяхаттың жаңа түрлері қарқынды дамып келеді. Соның бірі – академиялық туризм. Бұл ұғым соңғы онжылдықтарда халықаралық білім беру жүйесінің маңызды құрамдас бөлігіне айналып, мемлекеттердің ғылым, инновация және мәдени дипломатия саласындағы ықпалын күшейтетін құрал ретінде қарастырылуда.