Алакөлге Қабанбай жағынан келген адам көлдің кең айдынына көз салғанда, алыстан аралдарды байқауы мүмкін. Жағалаудан қарағанда олар аса үлкен болып көрінбейді. Бірақ осы көгілдір айдынның ортасындағы үш аралдың — Үлкен Аралтөбе, Орта Аралтөбе және Кіші Аралтөбенің табиғаты мен ғылыми маңызы едәуір. Аралтөбе аралдары Алакөлдің табиғи жүйесін зерттейтін мамандар үшін бұрыннан маңызды нысан. Мұнда өсімдік жамылғысы зерттеліп, құстардың ұя салатын орындары бақыланады. Соңғы жылдары бұл жер туристердің де қызығушылығын арттырып отыр.