Футболдан 2026 жылғы әлем чемпионаты шешуші кезеңге жетті. Алғашқы жартылай финалда Испания құрамасы Францияны 2:0 есебімен жеңсе, екінші кездесуде Аргентина Англиядан 2:1 есебімен басым түсіп, қатарынан екінші рет финалға жолдама алды. Енді Испания мен Аргентина 19 шілдеде АҚШ-тың Нью-Джерси штатындағы New York New Jersey Stadium аренасында әлем чемпионы атағын сарапқа салады. Матч жергілікті уақытпен сағат 15:00-де, Қазақстан уақытымен 20 шілдеге қараған түні сағат 00:00-де басталады. Ал жартылай финалда жеңілген Франция мен Англия 18 шілдеде Майамидегі Hard Rock Stadium алаңында үшінші орын үшін кездеседі. Бұл ойын Қазақстан уақытымен 19 шілде күні сағат 02:00-де өтеді.