Қазақ даласының кеңдігі тек географиялық ұғым ғана емес. Бұл кеңдік, бұл кеңістік ғасырлар бойы талай халыққа пана болған рухани ұғым. Ұлт жадында сақталған қонақжайлық, аңқылдаған ақкөңіл тек тұрмыстық дәстүр емес, тарихи тәжірибеден қалыптасқан өмір сүру қағидасы. Сондықтан Алғыс айту күні – жай ғана мерекелік дата емес, Қазақстан жерінде қалыптасқан этносаралық татулықтың терең тарихи тамырын еске салатын күн.