ХХ ғасырдың алғашқы ширегі қазақ халқы үшін тарихи сын сағаты болды. Ұлттық мемлекет құру идеясы мен отарлық тәуелділіктен арылу күресі қатар жүрген бұл кезеңде ел тағдыры үшін күрескен Алаш зиялылары тек саяси аренада ғана емес, халықтың әлеуметтік жағдайын жақсарту жолында да аянбай еңбек етті. Солардың қатарында есімі көп жағдайда көлеңкеде қалып келе жатқан, алайда ұлт денсаулығы мен қоғамдық дамуына өлшеусіз үлес қосқан тұлғалардың бірі – Асылбек Жұманұлы Сейіт.