Торғай өңірі қазақ тарихында Ахмет Байтұрсынұлының туған жері ретінде белгілі болса, табиғи байлықтарымен де ерекшеленеді. Жангелдин ауданы аумағындағы Ақкөл ауылы – ұлт ұстазының кіндік қаны тамған мекен. Осы ауылға жақын маңда орналасқан Айғожаның Қаратұзы көлі де көптен бері жергілікті халықтың тұрмысымен, шаруашылығымен және халықтық емшілік тәжірибесімен тығыз байланысты.