Іле халық баспасынан 2009 жылы жарық көрген, Қаһарман Мұқашұлы мен Кәкеш Қайыржанұлы аударған «Чиң әулеті сарай жылнамаларындағы қазаққа қатысты деректер» атты кітап негізінде желілес беріліп келе жатқан мақаламызды жалғастырамыз. Бұл жолы 1755 жылғы 11 желтоқсанға қатысты сарай жазбасына сүйеніп, Чиң империясының Қазақ хандығына деген көзқарасы 1755 жылдың соңына қарай қалай өзгергенін, Абылай ханның ұстанымы сарайда қалай қабылданғанын және қазақ-чиң қатынасының әскери барлаудан нақты дипломатиялық арнаға қалай ауысқанын талдап көреміз.