Іле халық баспасынан 2009 жылы жарық көрген, Қаһарман Мұқашұлы мен Кәкеш Қайыржанұлы аударған «Чиң әулеті сарай жылнамаларындағы қазаққа қатысты деректер» атты кітап негізінде желілес беріліп келе жатқан мақаламызды жалғастырамыз. Бұл жолы 1756 жылғы 1 наурыздағы сарай жазбасына сүйеніп, Чиң империясының қазаққа қатысты саясаты қалай нақты дипломатиялық арнаға түскенін, Абылай ханның ұстанымы сарай деңгейінде қалай бағаланғанын және Әмірсана дағдарысының қазақ-чиң қатынасына қалай әсер еткенін талдап көреміз.