Қазақтың дәстүрлі халықтық медицинасы – ұлттың ғасырлар бойы жинақтаған биологиялық, экологиялық және емдік тәжірибесінің тұнық қазынасы. Бұл сала көп жағдайда ауызша тарағанымен, кей әулеттердің ішінде үзілмей жалғасып, нақты ғылыми жүйеге айналған мектептер де бар. Солардың бірі – 7 ұрпақ бойы емшілік мұрасын жалғастырып келе жатқан әулет өкілі, Қытай Халық Республикасының Еңбек ері, мемлекеттік «Жасампаз тұлға» сыйлығының иегері, «Қытайдың әйгілі адамдары» кітабына енген жалғыз қазақ — Мәулішәріп Қапанұлы.