Орал қаласындағы Сарайшық көшесінің бойында орналасқан көне бір үйдің тарихы ғасырдан асады. Сырттай қарағанда қарапайым ғана ғимарат болып көрінгенімен, бұл шаңырақ қазақ халқының қаһарман қызы Мәншүк Мәметованың өмірімен тікелей байланысты тарихи орындардың бірі саналады. Бүгінде мұнда Мәншүк Мәметованың мемориалдық музей-үйі жұмыс істейді. Мұражайда батыр қыздың балалық шағы, отбасы, майдандағы ерлігі және соғыс кезеңіне қатысты мыңдаған жәдігер сақталған.