Қытайдағы қазақ баспагерлігі мен аудармашылық мектебін қалыптастырған, 40 жылдан аса Шыңжаң Халық баспасында тер төккен, қытайша–қазақша сөздіктер кешенінің негізін қалаған белгілі аудармашы, қаламгер, көпшілікке С.Найман деген атпен танылған Найманғазы Сапанұлы Алматыда өз шаңырағында, науқастан 85 жасында дүние салды. Бүгін марқұмның жаназасы өз үйінде оқылып, ақтық сапарға аттанды.