Қазақтың ұлы ақыны Абай Құнанбайұлының ұрпақтары ХХ ғасырдың ең ауыр кезеңдерін бастан өткерді. Ашаршылық, қуғын-сүргін, соғыс бәрі Абай әулетін де айналып өткен жоқ. Сол әулеттің тағдырлы өкілдерінің бірі – Ұлы Отан соғысына қатысқан Абайдың шөбересі Ишағы Жағыпарқызы. Ол майданға өз еркімен аттанып, Қиыр Шығыс майданында әскери авиация саласында қызмет еткен қазақ қыздарының бірі болды.