«Дипломмен – ауылға!» мемлекеттік бағдарламасы 2009 жылдан бері еліміздің шалғай аймақтарын білікті кадрлармен қамтамасыз етуде ерекше рөл атқарып келеді. Осы уақыт ішінде жоба негізінде 114 мыңнан астам маман біржолғы көтерме жәрдемақы алса, 52 мыңнан астам адам баспаналы болу үшін жеңілдетілген бюджеттік несиеге қол жеткізді. Бұл бастама тек жастардың еңбек жолын бастауына ғана емес, ауылдық жерлердің әлеуметтік-экономикалық деңгейін көтеруге де ықпал етті.