Әл-Фараби атындағы Қазақ ұлттық университетінде дәстүрлі «Түлектер күні» жоғары деңгейде аталып өтті. Қара шаңырақтың әр жылдардағы түлектерін бір арнаға тоғыстырған бұл шара ұстаздар мен шәкірттер арасындағы рухани сабақтастықты жаңғыртқан тағылымды мерекеге айналды. Биылғы кездесу Тарих факультеті үшін айрықша маңызға ие болды. Туған білім ордасына факультетті осыдан 40, 35, 30 және 20 жыл бұрын тәмамдаған әр буын өкілдері жиналып, студенттік жылдардың жарқын естеліктерін бөлісті.