Көкжайлау шаңғы курорты мен Алматы тау кластерін салу төңірегіндегі дау басылар емес. Жоба авторлары құрылыстың табиғатқа ешқандай зияны жоқ, ұлттық саябақ жері жекенің қолына өтпейді десе, экобелсенділер олардың бұл пікірімен келіспейді. Олар «Көкжайлауға курорт салу шатқалға орасан зор зиян келтіреді. Аспалы жол салу ағаштарды қырқуға, өзен суларының басын бууға алып келеді» деген уәж айтады.