Әскер қатарынан қыз-келіншектерді жүздестіру таңданарлық жайт емес. Олар да ұлдармен қатар сапқа тұрып, әскери дайындық жасап, арнайы даярлықтан өтіп, Қазақстанның армиясында әскери қызметін абыроймен атқарып жүр. Тіпті қолына қару алып, Отан қорғау ерлердің ғана ісі емес екенін қазақтың қыздары ерлігімен көрсеткені тарихтан белгілі. Соның бірі – Балжан Мұсатаева, әуе-десантық дайындық жөніндегі нұсқаушы, лейтенант.