Жол апатына ұшырап, шұғыл операцияны қажет ететін науқас, ауыр босанған ана, өмір үшін күресіп жатқан бала... Бастан өтпеген соң біз елей бермейтін басқа да әртүрлі науқас... Олардың өмірін сақтап қалатын ортақ нәрсе бар. Ол – донор. Ересек адамның бірнеше минут қана уақытын алатын қан тапсыру рәсімі бір емес, бірнеше адамның өміріне араша болуы мүмкін. Соған қарамастан, елімізде донорлық мәдениет әлі де толық қалыптасты деуге ерте.