Тәуелсіз Қазақстан тарихында білім мен ғылым ел дамуының басты тіректерінің біріне айналды. Осы бағытта ұлттық интеллектуалдық әлеуетті қалыптастыруға зор үлес қосқан іргелі оқу орындарының бірі – Л.Гумилев атындағы Еуразия ұлттық университеті. Биыл білім ордасы өзінің 30 жылдық мерейтойын атап өтуде. Бұл – тек университеттің емес, тәуелсіз Қазақстанның білім мен ғылым саласындағы үлкен жетістігінің айқын көрінісі.