Мәжіліс Спикері Ерлан Қошановтың төрағалығымен өткен жалпы отырыста депутаттар «Қазақстан Республикасындағы жергілікті мемлекеттік басқару және өзін-өзі басқару туралы» заңға енгізілетін түзетулерді бірінші оқылымда мақұлдады. Бұдан бөлек, Оманмен арадағы және ЕАЭО шеңберіндегі кедендік транзиттің бірыңғай жүйесі туралы келісімдер ратификацияланды.