28 маусым – Бұқаралық ақпарат құралдары өкілдерінің кәсіби мерекесі. Айтулы мереке жақындаған тұста Egemen Qazaqstan газетінің бас редакторы, жазушы-публицист Ғабит Мүсірептің қос бірдей кітабы жарық көріп отыр. Кәсіби саласына бар өмірі мен күш-жігерін арнаған маманның қуанышына біз де куә болып қайттық. Ғабит Мүсірептің «Соңғы мүмкіндік», «Болмысы бөлек бес қала» атты публицистикалық кітаптарының тұсаукесері Ұлттық академиялық кітапханада өтті.