Мемлекет басшысы Қасым-Жомарт Тоқаевтың «Кітап оқу мәдениетін дамыту және зерделі ұлт қалыптастыру жөніндегі шаралар туралы» Жарлығы қоғамның зияткерлік және мәдени әлеуетін арттыруға, кітап оқуды білім мен тәрбиенің маңызды өзегіне айналдыруға бағытталған. Бұл бастама кітапты ұлт дамуының рухани тірегіне айналдырып, ойлы, білімді әрі бәсекеге қабілетті ұрпақ тәрбиелеуге жол ашары сөзсіз. Осы орайда біз Ұлттық кітапхананың директоры Ғазиза Құдайбергенқызына бірнеше сауал тастадық.