Жиырмасыншы ғасырдағы ашаршылық пен қуғын-сүргіннің тарихи, саяси, демографиялық салдары біршама зерттелгенімен, оның қазақ психологиясына тигізген әсері әлі күнге дейін ғылыми тұрғыда толыққанды зерделене қойған жоқ. Қолдан жасалған ашаршылықта миллиондаған адамның өмірін қиған, жүз мыңдаған жанды қуғынға салған, ГУЛАГ сияқты жазалау орталықтарын орнатқан тоталитарлық жүйе қазіргі қоғамға, ұлттық мінез-құлыққа, ұрпақаралық байланысқа қалай ықпал етті?