140 балл десе, бірден ойымызға ҰБТ көрсеткішіндегі сан келеді. Қазір осы цифрдың мектеп түлектері арасында жиі айтылатын уақыты да келді. Бірі жоғары оқу орнына грантпен түсуді армандаса, енді бірі ата-ананың үмітін ақтауға тырысады. Жуырда дәл осы тақырыппен еліміздегі алғаш рет ұлттық бірыңғай тестілеу тақырыбын арқау еткен сериал жарыққа шықты. Жоба бүгінгі мектеп бітірушілердің арманы, қорқынышы мен таңдауы арқылы қоғамдағы өзекті мәселені жаңа қырынан көрсетеді.