Қазақстан аумағындағы Алтын Орда дәуіріне қатысты тың археологиялық жаңалықтар ғылыми айналымға енгізіліп жатыр. Марғұлан университетінің ғалымдары мен студенттері жүргізіп жатқан экспедиция барысында XIV–XV ғасырларға тиесілі сәулет кешенінің қалдықтары, сирек археологиялық бұйымдар мен халықаралық сауда байланыстарын дәлелдейтін ерекше жәдігерлер анықталды. Бұл туралы Қазақстан Республикасы Ғылым және жоғары білім министрлігі хабарлады.