2026 жылғы 11 маусымда Ш.Ш. Уәлиханов атындағы Тарих және этнология институтының ұйымдастыруымен «Балалар панасыздығы әлеуметтік-тарихи құбылыс ретінде: Қазақстан мен іргелес елдер тәжірибесі (1920-1930 жылдар)» тақырыбында дөңгелек үстел өткізілді. Дөңгелек үстелдің мақсаты – 1920–1930 жылдардағы Қазақстан және іргелес өңірлердегі балалар панасыздығы құбылысын тарихи, әлеуметтік және құқықтық тұрғыда кешенді талдауға арналған ғылыми-сараптамалық алаң қалыптастыру.