1920 жылдардың екінші жартысы мен 1930 жылдардың басы қазақ халқы үшін ауыр кезең болды. Бұл жағдай бүкіл КСРО-да сталиндік әкімшіл-әміршіл жүйенің орнығуымен, ал қазақ өлкесінде сол жүйенің өкілі Голощекиннің билікке келуімен және оның «Кіші Қазан» бағытын жариялауымен байланысты қалыптасты. Осы кезеңде Қазақстанда, оның ішінде Батыс Қазақстан облысында сайлау құқынан айыру, аудандастыру, шабындық және жайылымдық жерлерді тартып алу, байларды тәркілеу, артық астықты тапсыру, күштеп ұжымдастыру және отырықшыландыру секілді саяси-шаруашылықтық шаралар жүзеге асырылды.
Басқа
