Қазақстанның кеңестік кезеңдегі мемлекет және қоғам қайраткерлерінің арасында Мұстақым Біләлұлы Ықсановтың орны ерекше. Ол әр жылдары Оңтүстік Қазақстан, Қызылорда, Жамбыл және Батыс Қазақстан өңірлерінде жауапты қызметтер атқарып, ауыл шаруашылығы, су шаруашылығы, құрылыс және әлеуметтік инфрақұрылым салаларының дамуына үлес қосты. Әсіресе Батыс Қазақстан облысын басқарған жылдары өңірдің экономикалық және мәдени келбетінің өзгеруімен байланысты аталады.