Қазақ халқының тарихы мен мәдениеті – ғасырлар бойы қалыптасқан, өзіндік қолтаңбасы бар терең қазына. Бүгінде ұмытылып бара жатқан ата-баба кәсібін қайта жаңғырту және оны әлемдік деңгейде насихаттау өзекті мәселенің бірі. Осы орайда, Астана халықаралық университетінде (AIU) ұйымдастырылған Халықаралық жазғы мектеп аясында шетелдік студенттерге арналған ерекше шеберлік сыныптары өтті. Шетелден келген жастар қазақтың байырғы жүн өңдеу және зергерлік өнерінің қыр-сырымен танысып, ата-бабамыздан қалған асыл мұраны өз қолдарымен сезініп көрді.