Сайрам-Өгем мемлекеттік ұлттық табиғи паркінің аумағындағы Үшбастөбе қалашығында жүргізілген археологиялық қазба жұмыстарының кезекті маусымы аяқталды. Өзбекәлі Жәнібеков атындағы Оңтүстік Қазақстан педагогикалық университеті мен «Ордабасы» ұлттық тарихи-мәдени музей-қорығының мамандары бірлесіп жүргізген зерттеу барысында Қаңлы мемлекеті тұрғындарының тұрмысы мен шаруашылығына қатысты құнды деректер табылды.