Қазақстан кинотеатрларында Кристофер Ноланның «Одиссея» фильмі прокатқа шықты. Гомердің адамзат әдебиетіндегі ең көне әрі ықпалды дастандарының біріне негізделген туынды елімізде 23 шілдеден бастап көрсетіле бастады. Фильмнің әлемдік премьерасы 6 шілдеде Лондонда өтіп, халықаралық прокаты 17 шілдеде ашылған еді. Үш мың жылға жуық уақыт бұрын қалыптасқан оқиғаны Нолан ауқымды актерлік құрам, шынайы түсірілім алаңдары және жаңа IMAX технологиялары арқылы экранға шығарды. Алайда «Одиссея» тек теңіздегі сапар, құбыжықтар мен шайқастар туралы шығарма емес. Оның өзегінде соғыстан оралған адамның туған жерін, отбасын және бұрынғы болмысын қайта табуы жатыр. Сондықтан фильм кейіпкерлерін түсіну үшін алдымен оның негізіне айналған Гомер дастанының қалай қалыптасқанына назар аудару қажет.