Орталық Азия жаңа геосаясаттың негізгі өңірлерінің біріне айналып келеді. Қытай, Ресей, Еуропалық Одақ және АҚШ арасындағы бәсекелестік күшейген сайын Қазақстан мен көрші елдерге деген назар да артып отыр. Бүгінде Еуропалық Одақ өңірмен ынтымақтастықты жаңа деңгейге шығаруға ұмтылуда: энергетикадан бастап стратегиялық маңызды минералдар, логистика және цифрландыру салаларына дейін. Нидерланд Орталық Азияның болашағын қалай көреді? Еуропаның өңірге деген қызығушылығы неге артты? Жаһандық тұрақсыздық дәуірінде дипломатия қалай өзгеруде? Осы және өзге де тақырыптар Орталық Азиядағы Нидерланд Корольдігінің Төтенше және Өкілетті Елшісі Нико Схермерс мырзаның Ulysmedia.kz бас редакторы Самал Ибраеваға берген сұхбатында талқыланды.